Tungua

Ko Tungua, pe Sani Tungua, ko e motu ia ʻi Lulunga, ʻa ia he tafaʻaki hihifo ʻo Haʻapai. ʻOku tuʻu ʻi he tafaʻaki tongahihifo ʻo e pupungá ni. ʻOku ʻi ai ʻa e hakau ʻe 2 ʻi he tokelau ʻo Tungua, ʻi he fua ki Teaupa. Ko Luti ko e ʻuluaki, ko Hakau Russell ko e hoko.

Tungua (motu + kolo)

ʻOku tuʻu ʻi ai ʻa e kolo ʻi hono matāfonua hahake (ʻoku ui Funga Fāʻimata), ko Tungua (kolo), 20.018° S 174.759° W. Ko hono hingoa fakatenetene ko Tainamu ʻa Paea (ko e hingoa ia ʻo ha feituʻu ʻi he matātahi tokelau).

Ko e tofiʻa ia ʻo Tuʻihaʻateiho, kae ʻoku ʻi ai ʻa e tofiʻa ʻe taha ʻo e tuʻi ʻi he lotomālie ʻo e motu, ko ʻAlaloa.

Tamahā

ʻOku ʻuhinga ʻoku sani ʻa Tungua ko e ʻafioʻanga ia ʻo e Tamahā mo honau moʻunga. Mahalo pē ʻi he kamataʻanga naʻe ʻafio ʻa e kau tamahā ʻi Lapaha, kae koeʻuhi hono fakatouato, naʻe māʻolunga lahi ange honau tuʻunga ʻi he Tuʻi Tonga, naʻe sai ange ʻo nau ʻafio ʻi he feituʻu mamaʻo.

Ko e kupu ʻeni ko e potuʻi ia (stub). ʻIo, ko koe, kātaki tokoni mai ʻi hono ngāue fatu fakalahi.

English abstract available: Go