Ko Talasiu ko e kolo ia ʻi he vahe hahake ʻo Tongatapu, tafaʻaki fangaʻuta ʻi he Hala Tāufaʻāhau ʻi he vahaʻa ʻo Lapaha mo e hala manga ua ki Hoi mo Kolonga, kae naʻe fakataha ia mo Lapaha.

Talasiu (kolo)

ʻI he onoʻaho ko Talasiu, mo ʻene kiʻi vaitafe ʻi lalofonua, ko Fangafeʻatu mo Vai-ko-Tālanga-mo-e-vale ko e peito ia ʻo e Tuʻi Tonga. Naʻe ʻafifio ʻi heni ʻa e kau Tuʻi Tonga fefine mo Tamahā (ʻi muʻa ʻenau hiki ki Tungua). Ko e hingoa leva ʻo honau ʻapi ko e ʻApi ko Poulalahi pea ʻoku kei tuku fakaholo mai ai pē ʻa e laine ko ia ʻo aʻu mai ki he ʻaho ni mo hono hako ki he kelekele.

ʻAho ʻe taha naʻe manako maʻu pē ʻa e Tuʻi Tonga ke fakahā ki Poulalahi ki hono tuofefine ha fononga ki ai pea mo ʻave polopolo ki ai. Ko ia naʻe ui ai pe e tafaʻaki ko ʻeni ko "Talasiu" ko e hono ʻuhinga ko e tala ʻo ha fononga pe ha ʻaʻahi ki he Tuʻi Tonga.

ʻOku ʻi ai ʻa e toenga ʻo e kolotau lahi.

Ko e tofiʻa ʻo Tuʻilakepa. Latitute longitute: 21°175 tonga 175°115 hihifo

Ko e kupu ʻeni ko e potuʻi ia (stub). ʻIo, ko koe, kātaki tokoni mai ʻi hono ngāue fatu fakalahi.