Veitongo
Ko Veitongo ko e kolo ia ʻi he lotomālie ʻo e vahe loto ʻo Tongatapu. ʻOku tuʻu ʻi he Hala Tāufaʻāhau ʻi he vahaʻa ʻo Pea Haʻateiho mo Vainī. Ko ʻene tuʻotuʻa kolo, ko Lotohaʻapai (21.186° S 175.215° W) ko e konga hihifo ʻo e koló ni, kaʻe ʻoku ʻikai ʻilo ʻe he tokolahi. Ko e hingoa tenetene ko Fakamalusioʻata mo Halafuoleva ia.
Ko e ʻuhinga ʻo e lea Veitongo, ʻoku pehē hono tala ko e fonua ne fakaʻofoʻofa hono kakai fefine pea nau toe sino lelei foki. ʻI he taimi ko ē ne hoko e ngaahi tau pea ne hola ʻa e kakai e kiʻi fonua ni ʻo toi mei he tongo. Ne meʻa atu ʻa nōpele Niukapu ki he kakai ko eni: «Kuo Veia honau vaʻe he ngāue ʻa e tongo». Pea ko e ʻuhinga ia e Veitongo.
ʻOku tolu ʻa e kautaha soka ʻi heni, kau katoa (2003) ki he kautaha lahi ʻo e Tonga Football Association: ko SC Lotohaʻapai mo Lotohaʻapai Dragon mo Veitongo FC. Naʻe fokotuʻu ʻi 21 Mē 2002 ʻa e senitā fakafonua akonekina, pea naʻe langaʻi, ofi ki he kolo, ʻa e ʻapi ako soka foʻou ʻe faá.
Ko e tofiʻa ʻo e puleʻanga ʻo Tonga, kā ko Lotohaʻapai ko e tofiʻa ʻo Tuʻihaʻateiho. Latitute longitute: 21°186 tonga 175°194 hihifo
