Kahoua
Ko Kahoua ko e kiʻi kolo ia ʻi he lotomālie ʻo e vahe hihifo ʻo Tongatapu. ʻOku tuʻu mamamamaʻo he Hala Kahoua ofi ki Liahona, pea mo kiʻi mamaʻo ange mei Lomaiviti. Ko e tafaʻaki tokelau ʻo e koló ni ʻoku ui ko Haʻafeva. Ki he fakatonga ʻo Liahona, ʻoku ʻi ai ha kiʻi kolo ko Matangiake.
Ko e tofiʻa ʻo Lāvaka.
Ka ʻi he tukufakaholo naʻe ʻi ai ʻae ongo houʻeiki ʻe tokoua, ko Lavaka mo Vaea. He ʻaho ni, Ko Kula, ko e matāpule ia 'a Vaea, ko ia 'oku fai fatongia 'i Matangiake.
Latitute longitute: 21°162 tonga 175°269 hihifo
Kahoua
fatuʻi vahe
Ko e sika ʻa Lāvaka (Tapukuhikuloa) pea mo e sika ʻa Vaea (Kaukauloa) ʻa ia naʻe hunuki fakataha ʻa e ongo siká ni ʻa ia naʻe ngaohi loua ʻa e ongo siká ni pea meí ke Kaho. Ne hunuki ʻa e ongo sika ʻiloá ni ʻi Kahoua [Veifoa] he matapā ʻo Hoamofaleono. Ko e fakaʻilonga tapu ke ʻuhia ʻe ha taha kae ʻoua kuo fakahifo ʻa e ʻalo pele ʻo Haʻa Havea Lahi. Ko e ongo foʻi tekeua ʻoku ʻiloa he hisitōlia ʻo e fakahifo tamá ko Kaukauloa pea mo Tapukuhikuloa. Ko kinaua ʻoku ʻiloa ʻi Fualu ko Kahoua. Ko e ongo siká ni ne ʻiloa he malaʻe sika ʻo e Funga Matatoa ʻa ia ko e sika ʻa Lāvaká naʻe nounou ka ko hono fakahikú ne lōloa tahá pea ʻoku ʻiloa koe Fakatapuku. Ko e sika ʻa Vaeá ko e sika ne lōloa tahá ne ʻiloa ko Kaukauloa.
Kuo ʻiloa ʻa e ongo siká ni he ʻahó ni ne kuó na fakatouola ʻi loto tatau, ko e fakamoʻoni ia kuo Tuʻi ʻa Lāvaka pea Kuini ʻa Vaea.
Vai ko Haʻapele
fatuʻi vahe
ʻI he 1797, makatuʻunga ʻi he kaikaiʻāfua ʻa Hoamofaleono ʻone fakaʻamau pē ke inu ha totoʻi tangata heʻene tuʻituʻia pea kei manava ʻa Taufaʻāhau. Ko Hoamofaleono ko e ʻofefine ia ʻo Maʻafu ko e ʻulu ʻo Haʻa Havea Lahi. Naʻe aʻu ʻene kaikaiʻāfua ke fekauʻi ʻe hono tuongaʻane Tangata-ʻIla-Valu ʻa e taʻokete ʻo Hoamofaleono ke hokohokaʻi ʻa hono nima ke fakatafe mei ai ʻa e toto ke inu a Hoamofaleono.
Naʻe fai ʻa e manavahē koeʻuhi ko e kaikaiʻāfua ʻa Hoamofaleono pea mei ai naʻe ʻomai ai ʻe Lāvaka pea mo Vaea ʻa Hoamofaleono ki Veifoa ʻi Fualu. Naʻe tānaki mai leva ʻa e ngaahi ʻofefine ʻo e kau Haʻa Havea Lahi ke nau fakafeʻao kia Hoamofaleono pea ui ai honau ngaahi tuʻunga falé ko Haʻapele. Naʻe keli heni ʻa honau vai pea ui pē ko e Vai ko Haʻapele. Ko e vai ʻeni naʻe ngāueʻaki ʻe Hoamofaleono pea mo e ngaahi ʻofefine ʻo Haʻa Havea Lahi naʻa nau ʻi Fualu.
ʻOku pehē naʻe huufi ʻa e Vai ko Haʻapele ʻi Maʻasi 1797, ʻoku fakapapauʻi ʻení he ko e meʻa mai ʻa Maʻafu ke huufi ʻa e Vai ko Haʻapelé mo e fāʻeleʻi ʻo Moeakihīʻatu ʻe Fusipongi ʻo fakahingoa ai ʻe Maʻafu ʻa e tama ʻa Fusipongi ko Moeakihīʻatu.