Kihikihipālangi

Kihikihipālangi

Fakafaʻafaʻahinga fakasaienisi

Puleʻanga: ʻakau Vahe: ʻakau matala Haʻa: lautengaʻiua Holongā: fabales Kāinga: FABACEAE Kāinga ofi: Trifolium

Hingoa kakato lōua

Trifolium L. Hingoa lea fakapilitānia: Clover

Vakai ki he tala fakalahi: Commons

Ko e kihikihipālangi ko e fuʻu ʻakau siʻi ia, ʻoku kihi ia. ʻOku tupu ʻi he ngaahi fonua kotoa pē ʻo māmani, kā ʻoku tātātaha ʻi he Pasifiki. ʻOku ʻilo ʻi Nuʻusila, Viti, Hauaiʻi, mo e ngaahi feituʻu kehekehe ʻe niʻihi. ʻOku lahi ʻa e ngaahi faʻahinga ʻo e kihikihipālangi.

Ngaahi faʻahinga kehekehe

• kihikihi; ko e ʻakau mei he fāmili ʻo e oxalidaceae, ʻoku tupu ʻi Tonga ni. ʻOku meimei tatau ʻene ʻasi mo e kihikihipālangi.
• sameloki; ko e ʻakau ʻe taha mei he kāinga ofi ʻo e kihikihipālangi (kā ʻoku ʻikai ʻiloa ko e fē), ko e fakaʻilonga fakafonua ʻo e ʻAealani. Ko e ngaahi lau ʻe tolu ko e fakatātā ki he tokotolu tapu.

Meʻa makehe

Ko hono hingoa ʻi he leafakalātina trifolium, ko e ʻuhinga lau ʻe tolu ia. Kā taimi ʻe niʻihi ke ke ʻilo ʻa e ʻakau ʻe taha mo hono lau ʻe fā (pe lahi ange!). Ko e fakaʻilonga ʻo e monūʻia.

Tataku

• https://web.archive.org/web/20161006134638/http://www.hear.org/pier/species/trifolium_repens.htm

Ko e kupu ʻeni ko e potuʻi ia (stub). ʻIo, ko koe, kātaki tokoni mai ʻi hono ngāue fatu fakalahi.